Isinakay ko ang babaeng iika-ika sa tapat ng Megamall isang gabing umaambon. Ibinaba ko sa tapat ng isang bonggalo sa Boni, lampas ng Ortigas, tapat ng iskinita, Martirez… Martinez? Umikot ako sa tapat ng simbahan ng San Felipe. Tapos, carbarn na dahil masakit ang tiyan ko. Sa garahe nakita ko’ng pitakang Kinabukasan, Pasay-Paranaque ang ruta ko. Kaya dinala ko ang pitaka sa estasyon ng radyo. Nang buksan sa estasyon, ang pitaka’y sa lalaki at di sa babae! May voter’s ID. Sinamahan ako ng isang reporter para  isoli ang pitaka sa babae. Laking gulat namin nang makitang sementeryo ang pinaghatiran ko sa babae. Tumuloy kami sa presinto ng pulis sa munisipyo ng Mandaluyong. Mula doon nasusog naming ang lalaki  sa voter’s ID ay convicted sa panggahasa at pagpaslang sa isang hostess sa Henry’s na natagpuan sa bakanteng loteng pinagtayuan ng Megamall mahigit tatlumpong taon na ang nakaraan.